إنشاء حساب فـي متجر البلاك بيري

اهلين وسهلين  !
شخباركم وش مسوين  !
انا عارفه ان جيتي ماجت عن عبث ابدا  !
لاني الله لايخليني قبل احب اسنعكم  ! < عضي ع لسانتس ل تاكلين هوآ !
الموهيم مالكم ب الطويله اليوم ب شرح لكم طريقة فتح حساب في كل من " app store , app world , market "
طبعا بدون اي صوره توضيع  لان شرحي اسم الله علي مايحتاج له دعم ب الصور  وفي نفس الوقت منيب فاضيه انزل صور واضبطها وغثا ع الفاضي  !

طبعا ما اتوقع ان في شخص لحد الحين مايعرف كيف يفتح حساب ف الاب ستور  ! الا ماندر الي هم توهم شارينه ومختبصين به  !
الموهيم اني مره قد شرحت ل وحده في استفسارات الموبايلي ب قتبس الرد واجدعه هنا  مالي خلق اشرح مرتين  !


اقتباس:

المشاركة الأصلية كتبت بواسطة sa3B ansaK 


هلويين ي حلوه  لآ غلط وبقوه بعد  !

كيف تنشئين حسآب آعرف اما الثاني اعرف كيف تفعلينها اما مشكلتك مدري وش لون صراحه  !
الموهيم خليك معي في انشاء الحساب 
اول شيء روحي ل اب ستور واختاري لك اي لعبه او برنامج مجآني ! بعدين نضغط ع كلمة ( free ) ثم بعدها على كلمة ( install app ) !
بيطلع لك خيارين الاول اذا كان عندك حساب هذا ماعليك منه الثاني انشاء حساب اختاري الثاني بعدين بيطلع لك نافذه هنا تختار متجر البلد اللي حابه تسجلسن فيه .. أنا عن نفسي أخترت أمريكا لأنتس اذا تفكرين بعدين تشترين بطاقة وتبين تربطينها بالحساب ماتقدرين اذا اخترتي السعودية !
بعدين يطلع لك شروط المتجر اضغطي على " agree " و لاتنسين تقرين الشروط  !
بعدين تكتبين الإيميل اللي تبين تسجلين فيه , وتكتبين لك سؤال سري وتضيفين له جواب , وفي الأخير تاريخ ميلادتس ولازم يكون صحيح وتحفظه لأنتس بعدين إذا بتعدلين على حسابتس شيء أو اذا نسيتي باسوردتس بيسألونتس عن التاريخ  !
بالنسبة للباسوورد الحين لازم يكون 8 خانات ع الاقل ولازم يكون فيه حرف كبيتل وبرضو ماتتكرر الاحرف و الارقام اكثر من 3 مرات ورى بعض  !
مثال يعني " Bb123456 " مثل هيك  !
بعدين فيه خياراين بنهايه تسألك إذا تبين تشتركين في الموقع عشان توصلك العروض والأخبار على إيميلك .. حطي اللي يناسبك بعدين روحي للصفحه اللي بعدها   !
في الخانه الاولى طريقة الدفع ب " الفيزا .. مستر كارد " هذا اذا حابه تشترين برامج ب فلوس وهكا اما اذا حابه يكون حسابك بدون بطاقه او وسيلة حساب ثانيه اختاري none !
و كلمة none طلعت لاننا بالبدايه اخترنا برنامج مجاني اما اذا كنا مختارين برنامج ب فلوس ف مارح تطلع لك انتبهي من هالشيء 
الحين عبي بيآناتك بعدين الخانة ( code ) هي الخانة اللي تضيفين فيها الرقم التسلسلي حق البطاقة إذا عندك بطاقة وتبي تربطها بحسابك ! و اذا مافيه خليه فاضي  !
كملي بيآنآتك بعدين نروح لصفحه الي بعدهآ  !
اذا بياناتس كلها سليمه ومافيه شيء غلط بتطلع لتش صفحه توضح لتس أنتس خلاص سجلتي في المتجر الأن وفيه إيميل أنرسل على إيميلتس عشان إكمال عملية التسجيل والتحقق من ملكية الإيميل  !
بتحصلين الرساله في بريدك بعدين اضغطي ع كلمة " Verify Now "
وبعدين بيفتح لتس صفحه في موقع ابل تطلب منتس تكتبين الإيميل والباسورد اللي أخترتيهم  !
وبكذا انشئتي لتس حساب   !


طيب الحين نجي لل app world البرنامج الي توه تدعمه شركاتنا الحبيبه واول كانت ملحطتنا تلحيط ماغير ندور ونحوس في ذا النت عشان كم برنامج  وبعض الروابط تشتغل وبعضها لا عاد انت وحظك  !
قبل لا احوس وادوس  في بعض الاجهزه مافيها اب وورلد  < عسا بس الاسبلينق صوح  !

من هنا

أو

من هنا


طبعا تدخلونه من البي بي دايركت وتحملونه  للي ماعندهم انتبهو  !

الحين بعد ماتحمل وتخلص وللي عنده خالص من قبل  !
تروح للبرنامج  !
بعدها تروح للايقونه الي مكتوب فيها my world  ! شفتوها ؟ ايه ارعصو عليها اشوف  !
بتفتح لنا الحين صفحه  فيها الايميل و الباسورد طبعا مالكم دخل في هالشيء لانكم مبعد سجلتو  !
نشوف فوق مكتوب Create a BlackBerry ID  ! نرعص عليه ونتوكل ع الله  !
فتحت لنا صفحه بيضاء وش زينها  ! طالب لك فيهآ تعبي الايميل ب الخانه الاولى ! < تقولينها صادزه  ؟
بعد الايميل تكتب اسمك  !
بعدها تنزل للباسوورد  منتب موقيد ب آي شيء حاب ارقام حاب حروف الي خاطرك فيه حطه  طبعا تحته تعيد الباسوورد مره ثانيه  !
اخر خانه يقولك اكتب اي سؤآل  طبعآ مايحتاج اول سؤال و اسهل سؤال و مافي احد اتوقع مايعرفه من كثر مايتردد علينآ حفظناه ابن عن جد  الي هو what is your name ?
اما بتكملون عليها وتكتبون الجوال my name is flan Al flan  ! اسمحو لي ف آنتم بتطلعون دلوخ  < آمش ي الصاحيه  !
اكتبو الي تبونه  < حست انها بتنجلد ! .. لان هالسؤال والجواب الي حطيته في حالة نسيت الباسوورد بتطالب به  !
بعد كذا ننزل ونضغط ع Signup  !
ومبروك عليكم الحسساب  ! وبكذا معد بشايفه خششكم في طلبات البرامج  ! < واحد طقتس ع يدتس وقال ساعديهم ؟
تراني منيب اقصد شيء ولاش بس القصد من هالحتسي عشان ترتاحون من الشقلبه وتسذا وحبة خشوم عشان تاخذون البرنامج الي تبونه وتسذا ولا انا اخدمكم ب عيوني